Abú Media

Léiriúchán Bunaidh de chuid Abú Media. Insíonn Fidil Ghorm scéal Molly, cailín deich mbliana d’aois a chreideann, má fhoghlaimíonn sí an fhidil a sheinm mar a rinne a hathair agus má bhuann sí Craobh Uile-Éireann, go mbeidh sí in ann é a mhúscailt as an gcoma. Le linn dá hathair a bheith sa choma, aistrítear é chuig ionad athshlánaithe. Is ann a dhéanann Molly cairdeas le Malachy, fear scothaosta cantalach a chloiseann sí ag seinm na fidle go hálainn. De réir a chéile, foghlaimíonn sí go ndeirtear go bhfuil “draíocht ina lámha” agus go raibh sé tráth ar dhuine de na fidléirí ba cháiliúla sa tír. Cruthaíonn an bheirt ceangal eatarthu, agus éiríonn le Molly é a mhealladh chun an fhidil a mhúineadh di. Le chéile, tugann siad faoin aistear chun an draíocht nach féidir ach leis an gceol a thabhairt a aimsiú.