Abú Media

Scéal faoi sheamróga agus gunnaí fo-inneall, is sraith fhaisnéise bhunaidh de chuid Abú Media í Mobs Mheiriceá, a chuimsíonn breis agus céad bliain de stair chun ardú neamhghnách an Irish Mob i Meiriceá a chíoradh. Ó bhuíonta Éireannacha Nua-Eabhrac ag deireadh an 19ú haois go dtí na 1970idí, insíonn an tsraith sé chlár scéalta dochreidte na chéad ghlúine de leanaí Éireannacha a d’éirigh ar chuid de na coirpigh ba cháiliúla agus ba mhó a bhí á lorg i Meiriceá. Scrúdaítear saol agus coireanna príomhfhigiúirí an Irish Mob, ina measc Owney “The Killer” Madden, Jimmy Coonan agus a bhuíon cháiliúil The Westies ó Hell’s Kitchen, Frankie Sheeran agus James Joseph “Whitey” Bulger Jr. Léiríonn scéal na ngangstar Éireannach an “Aisling Mheiriceánach” ina hiomláine – an smaoineamh gur féidir le páiste a tógadh i mbochtaineacht teacht i gcumhacht, saibhreas agus stádas, is cuma cén modh a úsáidtear. Le rannpháirtíocht ó údair a bhuaigh Duais Pulitzer, ó bhaill den Irish Mob féin, ó ghaolta agus ó na póilíní a lean iad, tugann an tsraith seo an cuntas is iomláine riamh ar stair an Irish Mob i Meiriceá.